Vídeos Xornadas
Inauguración
No acto inaugural participaron representantes da Deputación Provincial e do Concello de Lugo, da Facultade de Veterinaria e de Seragro.
Leguminosas forraxeiras adaptadas ás condicións agroclimáticas da cornixa cantábrica
A investigadora do Serida Adela Martínez-Fernández desenvolveu unha conferencia sobre cultivo de leguminosas forraxeiras adaptadas ás condicións agroclimáticas da cornixa cantábrica e destinadas á alimentación de ruminantes.
Manexo e nutrición de xatas desde o nacemento ata o parto
O doutor veterinario Robert Corbett (EE. UU.) falou como de facer unha recría eficiente desde o nacemento da xata ata o parto a través do manexo e da alimentación.
Que nos din os datos de podoloxía?
O técnico podólogo de Seragro Pedro Codesido abordou a importancia da recollida de información na granxa para descubrir as múltiples razóns das lesións podais e actuar en consecuencia.
Que vemos cunha boa xestión?
O responsable da Área de Xestión Técnico-Económica de Seragro, Gonzalo Gómez, analizou os puntos fortes e débiles das explotacións galegas, incidindo na importancia de planificar as actuacións para mellorar os resultados económicos.
Producir leite na Bretaña: os factores clave do desenvolvemento
O responsable de Marketing e Innovación da BCEL Ouest, Stéphane Saille, expuxo as principais tendencias do sector nesta rexión gala e repasou os factores clave do seu desenvolvemento.
O negocio de producir leite, unha visión estratéxica, económica e empresarial
O profesor e asesor de granxas Antonio Pallarés abordou a produción láctea como un negocio que, como tal, debe ter a súa visión estratéxica, económica e empresarial.
Mesa redonda. Xestión técnico-económica das explotacións
Gonzalo Gómez, Stéphane Saille e Antonio Pallarés integraron unha mesa redonda na que puxeron en común os seus coñecementos, comparando a situación das granxas galegas coas da Bretaña francesa en aspectos como o nivel de intensificación, a automatización de tarefas ou a diferenza de custos de produción.
Programa nacional de erradicación da tuberculose bovina en Galicia
A xefa da Área de Sanidade Animal da Xunta de Galicia, Marta Muñoz Mendoza, explicou o funcionamento do programa nacional de erradicación da tuberculose bovina e a situación actual desta enfermidade en Galicia.
Como poden a nutrición e o manexo evitar que as vacas enfermen na transición
O doutor veterinario Robert Corbett (EE. UU.) volveu ao estrado para falar, neste caso, de como a alimentación e o manexo poden evitar que as vacas enfermen no período crítico da transición.
Un xeito de medrar
O gandeiro Manuel Candamio expuxo os cambios adoptados na súa granxa nos últimos anos, os cales lle permitiron mellorar as cifras de produtividade reducindo o número de vacas en muxidura e case duplicando a produción.
Uso do cronómetro como ferramenta de traballo na rutina de muxido
O gandeiro Manuel Arias e o veterinario de Seragro Francisco Sesto desenvolveron unha charla centrada no uso do cronómetro na sala de muxido co obxectivo de conseguir un muxido tranquilo, sosegado, sen présas pero sen pausas.
O sector leiteiro visto polos gandeiros
Mesa redonda integrada por catro produtores que, á súa vez, pertencen ao mundo cooperativo, sindical e do asociacionismo. Eles son Manuel Iglesias (OPL), Román Santalla (Unións Agrarias-UPA), Roberto López (Agromuralla) e José Ángel Purriños (Cooperativa Os Irmandiños).
Estratexia de comunicación para a promoción e o consumo de leite da Inlac
Águeda García-Agulló presentou a estratexia de comunicación e de promoción da Inlac -organización que dirixe- e as diferentes liñas de traballo postas en marcha por esta organización co obxectivo de aumentar o consumo de leite e de produtos lácteos.
Cartel
Contacto
Patrocinadores
Colaboradores
