Vídeos Xornadas

A presentación das XIII Xornadas Técnicas de Vacún de Leite tivo lugar o 4 de novembro no salón de actos da Deputación Provincial de Lugo.

Inauguración das XIII Xornadas a cargo da presidenta de Seragro S. Coop. Galega, Noelia García Santoalla; a vicedecana da Facultade de Veterinaria de Lugo, Marta Miranda, e o deputado delegado de Medio Rural da Deputación Provincial de Lugo, Lino Rodríguez.

O enxeñeiro agrónomo francés Sébastien Ferran realizou unha exposición sobre os criterios a considerar para a correcta implantación e fertilización e para o mantemento de pradeiras, con especial atención á loita contra as plagas.

O enxeñeiro agrónomo Albert Porte Laborde centrou a súa intervención nas pautas de laboreo, a fertilización e a loita fronte ás plagas do cultivo de millo, prioritario para a maioría das granxas galegas na actualidade.

O coordinador do Departamento Técnico de Conafe, José Antonio Jiménez Montero, deu a coñecer os cambios que experimentou o ICO recentemente e valorou o emprego dos índices na era actual, a da xenómica.

Tres gandeiras galegas (Merchy González Lobagueira, Begoña Paredes Cardoso e Pilar Barreiro Lodeiros) achegaron as súas experiencias diarias no manexo das súas respectivas explotacións co obxectivo de mostrar as múltiples realidades da gandería de leite en Galicia.

O director xerente da Asociación Galega de Fabricantes de Alimentos Compostos (Agafac), Bruno Beade García, presentou o sistema Galicia Alimentos Seguros (gmp.Galis), que aborda de forma sectorial o control das materias primas que empregan os fabricantes na elaboración de pensos para a alimentación animal.

O enxeñeiro agrícola Iván Álvarez Bajo profundou nos aspectos que ocasionan a gran volatilidade dos mercados de materias primas, tratando de orientar os gandeiros para reducir custos nesa parcela

A médica especialista en endocrinoloxía e nutrición Pilar Matía Martín salientou, a partir de evidencias científicas constatadas, os beneficios do consumo de leite e os seus derivados.

Fernando Miranda, director xeral de Producións e Mercados Agrarios do Ministerio de Alimentación, Agricultura e Medio Ambiente.

Luis Calabozo, director xeral da Federación Nacional de Industrias Lácteas (Fenil).

Felipe Medina, representante da Asociación Española de Distribuidores, Autoservizos e Supermercados (Asedas).

Jorge Antonio Santiso, profesor asociado do Departamento de Economía Aplicada na Área de Economía, Socioloxía e Política Agraria da USC.

Os integrantes da mesa redonda debateron sobre a situación actual e os retos futuros que se lle presentan ao sector lácteo, e responderon ás numerosas preguntas formuladas polo público.

As XIII Xornadas quedaron clausuradas coa actuación do actor e monologuista Quico Cadaval e co tradicional brinde do leite, co que se pretende pór en valor o traballo dos produtores.