Vídeos Xornadas
Presentación das Xornadas
Presentación das XII Xornadas Técnicas de Vacún de Leite de Seragro o 30 de outubro no salón de actos da Granxa Provincial Gayoso Castro de Castro de Ribeiras de Lea (Castro de Rei, Lugo).
Inauguración das Xornadas
Na inauguración das XII Xornadas participou o presidente da Deputación de Lugo, José Ramón Gómez Besteiro; a presidenta de Seragro S. Coop. Galega, Noelia García Santoalla; e o decano da Facultade de Veterinaria de Lugo, Germán Santamarina Pernas.
Análise práctica da fertilidade e a súa repercusión no futuro da explotación
O veterinario do Servizo de Reprodución de Seragro Luís Díaz departiu sobre a fertilidade e sobre como optimizar o manexo reprodutivo do rabaño para conseguir máis preñeces.
Avances no manexo para a optimización do cultivo de millo
O experto francés Albert Porte Laborde, enxeñeiro agrónomo e asesor especialista no manexo para o cultivo de millo, abordou as claves relacionadas coa fertilidade do chan e falou de como loitar contra as malas herbas, así como das novas técnicas de cultivo sen labranza.
Diálogos con Quezada: o lugar non fai a xente, a xente fai o lugar
O americano de procedencia mexicana Juan Quezada Jiménez, director de Seguridade, Recrutamento e Adestramento en Milk Source (Wisconsin, EE. UU.), asegurou que na súa empresa non buscan traballadores con moitos títulos académicos, senón con valores humanos.
Manexo da reposición e avaliación de custos asociados
O gandeiro coruñés José Eladio Lavandeira, da SAT Finca A Xesteira de Zas, expuxo unha charla sobre a xestión do manexo da recría na súa explotación e os custos asociados a cada fase.
O terceiro muxido, a experiencia de tres ganderías
Fernando Fernández Martínez, en representación da Gandería Chousa Nova SC; Antonio Morado Yáñez, da Gandería Morado SC, e Juan José Freire Quintáns, da Granxa O Cancelo, achegaron as súas respectivas experiencias acerca do terceiro muxido.
Novas tecnoloxías e deseño de instalacións para unha gandería de precisión en vacún leiteiro
O profesor titular de Produción Animal da Universidade Politécnica de Madrid Antonio Callejo Ramos expuxo os criterios fundamentais a ter en conta á hora de deseñar unha instalación para vacún de leite, así coma o papel que a tecnoloxía debe ter na adecuada xestión dunha granxa leiteira.
Selección xenómica, o que o gandeiro debe saber
O doutor en Veterinaria Alejandro Fernández Fernández falou da selección xenómica desde o punto de vista máis práctico para o gandeiro.
Diálogos con Quezada: protocolos de traballo nunha explotación leiteira
O americano de procedencia mexicana Juan Quezada Jiménez, director de Seguridade, Recrutamento e Adestramento en Milk Source (Wisconsin, EE. UU.), compartiu co auditorio os protocolos de traballo que seguen na súa empresa, na que hai preto de 500 empregados e máis de 28.000 vacas en muxidura.
Análise técnico-económica das explotacións gandeiras pertencentes a EDF
Rick Hoksbergen (Holanda) e Tom Dunne (Irlanda) presentaron a European Dairy Farmers (EDF), unha asociación europea que ten como obxectivo compartir o presente para mellorar o futuro a través do intercambio de experiencias e de coñecementos de forma directa, de gandeiro a gandeiro.
A produción de leite en Galicia nunha Europa sen cotas
O profesor titular de Economía, Socioloxía e Política Agraria da Escola Politécnica Superior de Lugo Francisco Sineiro abordou as claves da produción leiteira a partir da inminente desaparición das cotas lácteas
Monólogo e brinde do leite
Un dos coordinadores das XII Xornadas, José Luís Míguez, ofreceu un monólogo que enlazou directamente co tradicional brinde do leite en defensa do sector.
Cartel
Contacto
Patrocinadores
Colaboradores
