O doutor en Veterinaria Alejandro Fernández Fernández falou da selección xenómica desde o punto de vista máis práctico para o gandeiro.
O profesor titular de Produción Animal da Universidade Politécnica de Madrid Antonio Callejo Ramos expuxo os criterios fundamentais a ter en conta á hora de deseñar unha instalación para vacún de leite atendendo a criterios de benestar; así mesmo, tamén falou do papel que a tecnoloxía debe ter na adecuada xestión dunha granxa leiteira
O gandeiro coruñés José Eladio Lavandeira, da SAT Finca A Xesteira de Zas, expuxo unha charla sobre a xestión do manexo da recría na súa explotación e os custos asociados a cada fase.
Fernando Fernández Martínez, en representación da Gandería Chousa Nova SC; Antonio Morado Yáñez, da Gandería Morado SC, e Juan José Freire Quintáns, da Granxa O Cancelo, achegaron as súas respectivas experiencias acerca do terceiro muxido.
O americano de procedencia mexicana Juan Quezada Jiménez, director de Seguridade, Recrutamento e Adestramento en Milk Source (Wisconsin, EE. UU.), asegurou que na súa empresa non buscan traballadores con moitos títulos académicos, senón con valores humanos.
