Poxa en Muimenta, Sabado 19 de Xullo

Detalles

Publicado o Venres, 13 Xuño 2014 12:11

Visitas: 749

O día 19 de xullo, sábado, terá lugar unha nova poxa de frisoas en Muimenta, Cospeito grazas á iniciativa da  Asociación de Empresarios de Muimenta que decidiu colaborar con Africor Lugo para levar a cabo este evento.

Con esta actividade dase continuidade á poxa que se fai tradicionalmente durante a Moexmu, no mes de abril.

Galicia é unha Comunidade historicamante deficitaria de recría, debido á contínua expansión das explotacións así como a unha escasa tradición de recría. Nos últimos deuse un cambio de tendencia, incrementándose de xeito notorio o número de efectivos de recría.

Segundo os datos de Africor Lugo o 25% das explotacións asociadas, de non incrementar o número de vacas de muxidura, terían un excedente de dúas a tres atas por ano. Dase o caso de que un 33% das ganderías vai necesitar repoñer esta cantidade de animais por ano para manter o mesmo número de vacas de leite que agora ten. Ante esta tesitura, a demanda de xatas está asegurada.

É importante a concienciación por parte dos gandeiros de realizar a reposición con animais con garantías sanitarias, afeitos ás nosas condicións de manexo, evitando a importación na medida do posible. Con esto gañaremos en sanidade e daremos valor engadido ás explotacións galegas.

Nesta situación de falta de recría teñen unha grande importancia este tipo de poxas que ven organizando Africor Lugo en colaboración con outras entidades, concentrando a oferta para que o comprador poda comparar e elexir os animas dun xeito rápido, cómodo e sinxelo, cunhas garantías sanitarias.

Máis información en www.africorlugo.com ou en http://moexmu.blogspot.com.es/