ORDE do 20-12-2013 Axudas para a mellora da competitividade das explotacións leiteiras galegas
- Detalles
- Publicado o Mércores, 08 Xaneiro 2014 08:47
- Visitas: 959
ORDE do 20 de decembro de 2013 pola que se establecen as bases reguladoras das axudas para a mellora da competitividade das explotacións leiteiras galegas, a través da redución dos custos de produción, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se convocan para o ano 2014.
As axudas desta orde van dirixidas a realización de Plans de mellora da competitividade das explotacións leiteiras a través da redución dos custos de produción.
Os investimentos irán destinados a:
-
A redución dos custos na produción leiteira.
-
A redución dos gastos en enerxía, mediante o aforro e a eficiencia enerxética.
-
A substitución do uso de enerxías convencionais por enerxías renovables.
A contía dos investimentos poderá chegar a un máximo de 50.000 euros por UTA, sen superar os 100.000 euros por explotación, para calcular este valor temos que sumar o importe dos investimentos desta solicitude os aprobados nos anos 2009 ou 2011 no caso de ter solicitado esta mesma axuda.
As axudas poden chegar ata o 40% de forma xeral e ata o 50% nas zonas desfavorecidas.
O prazo de presentación de solicitudes será ata o 7 de febreiro de 2014 e o prazo de xustificación dos investimentos será, como máximo, ata o 15 de setembro de 2014.
