Detalles

Publicado o Martes, 04 Xaneiro 2011 10:04

Visitas: 237

Orde do 23 de decembro de 2010 pola que se convocan para o ano 2011 as axudas, en réxime de concorrencia competitiva, para a renovación do parque de maquinaria agrícola da Comunidade Autónoma de Galicia.

Mediante esta orde convócase para o ano 2011 as axudas a renovación de maquinaria establecidas na Orde do 13 de xullo de 2010, onde se establecen as bases reguladoras para conceder axudas para a renovación do parque de tractores e máquinas automotrices agrícolas de Galicia, co obxectivo de sustituir as máquinas máis vellas por outras máis modernas e cunha maior eficiencia enerxética.

As axudas establécense en función da potencia das máquinas retiradas do uso, pero estas non teñen por que dedicarse obrigatoriamente a compra de tractores ou máquinas automotrices, senón que tamén poden ser adicadas a adquisición de máquinas arrastradas como:

• Sementadoras directas
• Cisternas para xurros e esparexadores de fertilizantes sólidos equipados, en ambos casos, con dispositivos de localización
• Fertilizadoras e equipamentos de aplicación de produtos fitosanitarios

A contía das axudas non depende soamente da potencia das máquinas desmanteladas, senón que tamén esta influida por outros factores relacionados co titular ( explotación prioritaria, agricultor mozo, muller, zona desfavorecida ect.) e outras dependentes da eficacia enerxética da máquina adquirida.

O prazo de presentación de axudas remata o 4 de abril de 2011.

Pincha aquí para descargar Orde 23/12/2010.

Pincha aquí para descargar Orde 13/07/2010 (Bases Reguladoras)