Seragro, S.C.G.
REXISTRO DE EXPLOTACIONS DE LEITE
- Detalles
- Publicado o Luns, 19 Abril 2010 10:55
- Visitas: 203
Decreto 57/2010, do 8 de abril, polo que se crea o Rexistro de Explotacións Leiteiras de Calidade Diferenciada.
Este decreto ten por obxecto a creación dun rexistro de explotacións que segundo os controis oficiais de calidade do leite cru de vaca efectuados polos servizos veterinarios da Xunta de Galicia, superen os parámetros de calidade establecidos neste decreto.
Os requisitos que deben cumprir as explotacións para estar neste rexistro son os seguintes:
- Estar en posesión da carta verde de saneamento gandeiro.
- Dispor dun historial de cumprimento acreditado dos seguintes parámetros de calidade no leite:
-Colonias de xermes a 30ºC (por ml) = 90.000 (media xeométrica móbil observada durante un período de dous meses).
-Contido de células somáticas (por ml) = 350.000 (media xeométrica móbil observada durante un período de tres meses).
-Non se ter detectados nos últimos seis meses, nin en mostras oficiais nin en mostras de autocontrol, residuos de antibióticos.
- Non ter sido obxecto de sanción por incumprimentos en materia de condicionalidade, sanidade e benestar animal e seguridade alimentaria durante os últimos seis meses, contados desde o día seguinte a aquel en que adquira firmeza.
A inscrición de explotacións neste rexistro farase de oficio, e dicir, unha vez constatado que cumpre os requisitos pasará directamente a formar parte do rexistro, esto comunicarase aos titulares mediante algún medio, que pode ser a publicación no Doga.
Este rexistro será de acceso público na páxina web da consellería.